حبیب ساهر ایله علاقهدار شعرلر
حسین دوزگون اؤز شعرلرینده دفعهلر، حبیب ساهره مراجعت ائدیب و اونا خطاب مختلف شعرلر یازیبدیر. بیز چالیشیریق کی بو شعرلری بیر یئره ییغاق:
شعر دۆنیاسی
حبیب ساهره خطاب:
ائللرین باختینین گۆلۆ آچاندا،
بورالاردا گۆنش ایشیق ساچاندا،
سعادت نغمهسی اوخویاجاغام،
قاراقیش عدمه ساری قاچاندا.
قیراغا چکیلسین قوی خولیالیلار،
ابدی بیر نفرت ساتقینا نثار.
منجه حۆرمتی یوخ هر سؤز دۆزهنین،
دئگیلدیر کی شعرین دۆنیاسی بازار.
بیزیم سؤزلریمیز یادا آجیدیر،
چۆنکۆ ائل قووهتی، خلقین گۆجۆدۆر.
من یاخشی بیلیرم سنین الیندن،
کاغیذا دامان هر شعیر اینجی دیر.
+ نوشته شده در یکشنبه هفدهم دی ۱۳۹۱ ساعت توسط سید احسان و ائلدار
|
بيز احسان شكرخدا و ائلدار صديق ايكيميز بيرليكده «حسين دوزگون»ون شعرلري و ادبياتي يازيلاري و اونون باره سينده اولان شعرلري و ادبي يازيلاري بو وبلاقدا سيزه سوناجاغيق. اوميد ائديريك لذت آپاراسيز.