یئنی انسان - حسین دوزگون
ایسترم غِیرته گلمیش یئنی انسان اولاسان،
بو یازیق ملّتیمین دردینه درمان اولاسان.
اؤزونه بیر گلهسن، فخر ائلیم قامتینه،
خوبلر ایچره گزیب سرور خوبان اولاسان.
گونشه یوکسله بؤرکوم اوجو شیرازلی کیمی،[11]
سن کُلاهیمدا منیم دُرّ درخشان اولاسان.
آچاسان صورتینی پردهی منحوسیندن،
بو قارانلیق گئجهمیزده مه تابان اولاسان.
قارا توپراقلار اوزوندن دورا شمشاد قدین،
یئنه ده مملکت جمشیده خاقان اولاسان.
اردبیلدن اوجالیب شاه ختایی کیمی سن،
فرمانین جاری ائدیب تبریزه سلطان اولاسان.
او بویون قربانییام بیر گلهسن محفلیمه،
گوللر ایچره سوزولن سرو خرامان اولاسان
قیراسان خلقین آیاغیندان اسارت ایپینی،
دوزگون ـون باشین اوجالدان یئنی انسان اولاسان.
1357
+ نوشته شده در شنبه بیست و یکم مرداد ۱۳۹۱ ساعت توسط سید احسان و ائلدار
|
بيز احسان شكرخدا و ائلدار صديق ايكيميز بيرليكده «حسين دوزگون»ون شعرلري و ادبياتي يازيلاري و اونون باره سينده اولان شعرلري و ادبي يازيلاري بو وبلاقدا سيزه سوناجاغيق. اوميد ائديريك لذت آپاراسيز.