گؤزو آلا شاملو قیزی،

سینه‌نده ناری ایسته‌رم‌‌‌.

گله‌جگی یئتیرمگه،

سنین تک یاری ایسته‌رم‌‌‌.

 

اؤز ائلیمه جان دئمیشم‌‌‌،

دوشمنه قان-قان دئمیشم‌‌‌.

سئوگیلیمه یان دئمیشم،

یارِ بیداری ایسته‌رم‌‌‌.

 

گؤزه‌ل سنی من آتمارام‌‌‌،

یانیندان هئچده گئتمرم‌‌‌.

حله - حله من اؤتمرم،

«بنده سواری» ایسته‌رم‌‌‌.

 

منیم اوره‌گیم بیداردیر‌‌‌،

سنیندیر هرنه کی واردیر‌‌‌.

اوّلیم آخیریم یاردیر،

کؤمگی‌‌‌، یاری ایسته‌رم‌‌‌.

 

منیم تک اشعار یازانی،

حق یولو‌‌‌، شرطی میزانی.

اؤز ایچیمیزه گزه‌نی،

گؤزه‌ل دلداری ایسته‌رم‌‌‌.

 

تات دگیلم من اگیلم،

دوزگونوم وار‌‌‌، آج دگیلم‌‌‌.

کیمسه‌یه محتاج دگیلم‌‌‌،

صاحب دیداری ایسته‌رم‌‌‌.

کیچیک شعرلر - ص  52 . 1348