صداقت كاني
ايرانين من جانلي بئيني، بئينين ده جانييام،
آذرستان مۆلكۆنۆن بير چاغلايان عمّانييام.
دينيم اسلامدير منيم، قرآني رهبر قيلميشام،
ان گؤزهل يول سئچميشم انسانليغين وجدانييام.
قلبيم آولاندي ازل گۆندن موغان قيشلاغينا،
بو ائلين، بو ملّتين بير دۆشگۆنۆ، حئيرانييام.
بير شئيه هر كيم يالان يا دوغرو قوربان سؤيلهيير،
من معارف شهرينين، من اردبيل قوربانييام.
معنويت اولماسا، يوخدور حياتين آنلامي،
ظاهيرين آلتيندا گيزلي باطنين انسانييام.
شئيخ صفينيندير قارا مجموعهسي مشعل منه،
يوللاري آيدينلادان بير شعلهي نورانييام.
مصحفيم بير الده، شمشيريم بير الده، آتلانان،
خلقي تقوا دعوتي ايله جوشان روحانييام.
هر يالان قورقو قوران اوباشا احسن سؤيلمهم،
شاعيرم، دۆزگۆن تخلّصلو صداقت كانييام.
اردبيل لوحهلري - ص 5 – 1376.
+ نوشته شده در پنجشنبه نوزدهم مرداد ۱۳۹۱ ساعت توسط سید احسان و ائلدار
|
بيز احسان شكرخدا و ائلدار صديق ايكيميز بيرليكده «حسين دوزگون»ون شعرلري و ادبياتي يازيلاري و اونون باره سينده اولان شعرلري و ادبي يازيلاري بو وبلاقدا سيزه سوناجاغيق. اوميد ائديريك لذت آپاراسيز.