هارای - حسین دوزگونون شعری
داشینا داغینا گیرمهسین یاغی،
باغین - باخچان اولسون بولبول اویلاغی،
ائللر وئرسین سنه یئنی نؤوراغی،
وطن اوغلون سسله هارایا، زنگان!
ماراللارین زؤهرون چؤلون بوروسون،
هر سحر سئیر ائدیم جئیران سوروسون.
قورخوسوز- غوغاسیز سورو یوروسون.
وطن اوغلون سسله هارایا، زنگان!
چاغداشلاشسین جادهن، کوچهن، ائولرین،
قوینون سیجاق اولسون، بولاغین سرین.
ایستهسن بزه نسین بوتون هر یئرین،
وطن اوغلون سسله هارایا، زنگان!
یئنه یایسین معارفی، عرفانی،
قرآنا - اسلاما چکسین دونیانی.
دوزگون دئیه ر گل سئو آذربایجانی،
وطن اوغلون سسله هارایا، زنگان!
زنگان لوحهلری - ص 15 .
+ نوشته شده در یکشنبه دوازدهم آذر ۱۳۹۱ ساعت توسط سید احسان و ائلدار
|
بيز احسان شكرخدا و ائلدار صديق ايكيميز بيرليكده «حسين دوزگون»ون شعرلري و ادبياتي يازيلاري و اونون باره سينده اولان شعرلري و ادبي يازيلاري بو وبلاقدا سيزه سوناجاغيق. اوميد ائديريك لذت آپاراسيز.