منله ایلقار ائتدین منه سؤز وئردین‌‌‌،

عؤمرومو پایلاشدیم سنینله گؤزه‌ل‌‌‌.

ایندی سندن سنه شیکایتیم وار‌‌‌،

سؤزومو قارشیمدا گل دینله گؤزه‌ل‌‌‌.

 

چالچیق [1] دان چیخاندا‌‌‌، داغا واراندا‌‌‌،

علی بولاغینا [2] ساری گئده‌نده‌‌‌،

اونودما اوردا قیلدیغین نامازی،

آللاها باش اگیب دوعا ائده‌نده‌‌‌‌‌‌.

 

قول و اقرارینا عمل ائتمه‌ین‌‌‌،

داشا دؤنر گؤزه‌ل بونا گل اینان‌‌‌.

دومدورو سولارین آخدیغی یئرده،

سن گؤروبسن بونو گؤزونله عیان‌‌‌.


[1] چالچیق‌‌‌، ابهر شهری‌نین کندلریندندیر‌‌‌.

[2] علی بولاغی‌‌‌، ابهرین چالچیق کندی یانیندادیر‌‌‌. بولاق اطرافیندا‌‌‌، روایتلره گؤره داشا دؤنن بد ایلقارلار واردیرلار حضرت علی  (ع)‌نین آیاق ایزی ده‌‌‌، بیر روایته گؤره بولاق یانیندادیر‌‌‌.