هاراسی وارمیش - حسین دوزگونون شعری
بیر گون گولدوم، بیر گون سوسدوم، آغلادیم،
عؤمرون- گونون آغی- قاراسی وارمیش.
گولون قاپیسیندا تیکان دوراندان،
بولبولون کؤکسونده یاراسی وارمیش.
منی گتدین یئنی دینه، ایمانا،
سالدین نهدن غم- غصهیه، حرمانا؟
قاپینا گلمیشم گؤزهل درمانا،
دئمیشلر هر دردین چاراسی وارمیش.
اردبیلدن قاودین، تبریزدن قاودین،
دوزگونو، خیاودان، هئریزدن قاودین.
اورمیهدن قاودین، ائومیزدن قاودین،
زنگانداندا قاوسان، هاراسی وارمیش؟
زنگان لوحهلری - ص 17 .
+ نوشته شده در یکشنبه دوازدهم آذر ۱۳۹۱ ساعت توسط سید احسان و ائلدار
|
بيز احسان شكرخدا و ائلدار صديق ايكيميز بيرليكده «حسين دوزگون»ون شعرلري و ادبياتي يازيلاري و اونون باره سينده اولان شعرلري و ادبي يازيلاري بو وبلاقدا سيزه سوناجاغيق. اوميد ائديريك لذت آپاراسيز.