آنا! زیارتدن ‌‌نه‌دن دویمورسان‌؟

بیر آی اؤنجه گئتدین سن خوراسانا‌‌‌.

«غریب امام رضا» دئیه چاغیردین‌‌‌،

نیسگیلین یاغدیردین آذربایجانا‌‌‌.

 

قاپی‌دان بیرجه باغ سووزو آلمایان‌‌‌،

تک‌‌‌، بوردان دمشقه‌‌‌- مکّه‌یه گئدیر‌‌‌.

بیلیر هارا گئتسین‌‌‌، هارا گئتمه‌‌سین،

آنام یاخشی ائدیر‌‌‌، هر نه کی ائدیر‌‌‌.

 

مقدس‌دیر منیم آنامین قوینو‌‌‌،

اوندا حق قوخوسو‌‌‌، حق نظری وار‌‌‌.

روحو حق عشقیله یوغرولموش اونون‌‌‌،

هر زامان چیچکدیر‌‌‌، سانکی نوبهار‌‌‌.

 

طالعی آجی‌دیر‌‌‌، گونو قارادیر‌‌‌،

امام رضا کیمی غریبدیر آنام‌‌‌.

عؤمرون باشا وئریر ایگیدجه‌‌سینه

اونو دیری ساخلیر اعتقاد‌‌‌، اینام‌‌‌.

زنگان لوحه‌لری - ص  17- اردیبهشت 77 .