سؤز آجی- حسین دوزگونون شعرلری
اۆرهگیم، سؤز آجیدیر،
مطلب تاپ، گئدیب یازیم.
دردیمی بیر - بیر آچیم،
غملی کن پار- پار ساچیم.
آغلاسین زار - زار سازیم.
گؤزۆمۆن بولوتلاری،
چاغلاییر داهادا چوخ،
کیمسهسیز ییخیلمیشام.
تکلیکده سیخیلمیشام،
دردیمی هئچ قانان یوخ.
شِعیره تؤکهجگم،
سیزیسین اۆرهگیمین.
شِعیرده قالاجاغام.
باهارا سالاجاغام،
چیچگین دیلگیمین.
خلقیمین شاعرییهم،
ائلیمین بیر ایشچیسی،
طبیعت نغمهکاری،
محبت بستهکاری،
ظلمتین دؤگۆشچۆسۆ.
ائلیوی - یوردونو سئو،
ائل ایله قالسین آدین.
بیلمیرم دۆزگۆن نهدن،
سن کیمی بیر شاعردن،
زههلهسی گئدیر یادین!
کیچیک شعرلر - ص 92 - 18 / 2 / 43 - نوغهدی کندی.
Normal 0 false false false EN-US X-NONE FA
+ نوشته شده در دوشنبه سی و یکم تیر ۱۳۹۲ ساعت توسط سید احسان و ائلدار
|
بيز احسان شكرخدا و ائلدار صديق ايكيميز بيرليكده «حسين دوزگون»ون شعرلري و ادبياتي يازيلاري و اونون باره سينده اولان شعرلري و ادبي يازيلاري بو وبلاقدا سيزه سوناجاغيق. اوميد ائديريك لذت آپاراسيز.