پولهیهک - حسین دوزگونون شعرلری
بویلانان بیر چناردا،
سالمیشدیلار سس - صدا،
پیچیلداشان یاپراقلار.
گؤز قیرپمیشدیم سسینه.
قولاغیمین حسّینه
وئرمیش ایدیم تمرکز.
هئچ گؤرۆنۆب قوپاردا،
نازیک یاپراق خارها خار،
بئله آغیر سسیله؟
نزیک یاپراق نهدیرکی،
سالا اوجا بیر سسی،
خاریلدایا بئلهجه؟
لکن قُوّه توپلانسا،
همت اودو اودلانسا،
دُنیانیدا آشیرار.
کؤنۆل، دینله بو سسی،
بئله آغیر هوسی.
نزیک - لطیف یاپراقدان.
دئیهرلر کی ییغیشسا،
بیرتوپ میلچک هارادا،
نئچه فیلی محو ائدهر؟
ائلهجه ده یاپراغی،
بیر چینارین بوداغی،
سالار گؤیه های-هاوار.
همان نزیک – یاپراقلار،
گورولتولار سالارلار،
توپلانسالار بیر یئره.
گلین بیزده ییغیشاق،
اورتادا اوجاق قوراق،
و پۆلهیهک کؤزلری.
کیچیک شعرلر - ص 101 - 17 / 2 / 42 - خنیه کندی.
+ نوشته شده در دوشنبه سی و یکم تیر ۱۳۹۲ ساعت توسط سید احسان و ائلدار
|
بيز احسان شكرخدا و ائلدار صديق ايكيميز بيرليكده «حسين دوزگون»ون شعرلري و ادبياتي يازيلاري و اونون باره سينده اولان شعرلري و ادبي يازيلاري بو وبلاقدا سيزه سوناجاغيق. اوميد ائديريك لذت آپاراسيز.