(ائل قوشمالاری اساسیندا)

بویانا قاشدیم توتوندو

اویانا قاشدیم توتوندو.

آغ آلمالار بوتوندو!

آغ آلمانین ساچاغی،

الیمی کسدی پیچاغی.

یاغ گتیرین یاغلییاق،

دستمال گتیر باغلییاق!

دستمال دوه بوینوندا،

دوه مغان یولوندا.

مغان یولو سر به سر

ایچینده بیر قیز گزه‌ر.

قیز دانیشدی قاشیله

آلدیم دوغا آشیله!

او قیز دوغدو بیر اوغلان،

آدین قویدو سلیمان.

سلیمان گل تبریزه،

بیر گون قوناق اول بیزه.

بیزی ووردولار داش‌ایله

گؤزوموز دولدو یاش‌ایله

اوخوردو عمی اوغلوم

آی هیرنیزی هیرنیزی،

بؤرکوم ایچی قیرمیزی.

بؤرکو گؤتور اوچ دفعه،

فیرران، فیرران، وور بیزی.