الین آت ریشهوه
خبر: کسرویچیلر سلطان شیخ صفی الدین اردبیلییه
جسارت ائتمیشلر.
سن آذربایجانسان دُشمنه بیر پارچا اودسان
منیم قلبیمده وولکان سان
الیمده مشعلیم، نوروم،
آدین معنا وئریر میلیونلار انسانا.
شفقلر، کسرویلر، رعدیلر، یحیی ذکالار
سومسونن کارنگلر وارسا،
سنین میلیونلار اوغروندا عزیز جانین قویان واردیر،
اوجا داغلاردا آصلان تک
خبیث گؤزلر اویان واردیر.
سایین دا آددیم- آددیمعزّی فرّینساخلایان واردیر،
سایان واردیر.
سؤزوم قورتامامیش حالا
بابام سلطان صفیالدین
یاتیبدیر اردبیلده گؤزلهییر اوغلو قیام ائتیسن
سنین اوغروندا جان وئرسین!
سووارسین ریشهوی قانیله
قان وئرسین
سنه کؤکدور تملدیر اردبیل، تبریز!
سن آذربایجانسان، دشمنه بیر پارچا اودسان!
الین آت ریشهوه
آت اردبیلـه
شاه ختایینین قیلینجین آل اله
دوغراگیلن سن ناخلف اولادیوی، تبریز!
دؤنوک چیخدی، سنین احفادیوا
کتدی دئدی، مشدی دئدی،
گؤیدن دوروب باخدی بیزه.
آللاهادا عصیان ائدیب، دین گتدی
قول چکدی بوتون آلچاقلیغا، تبریز!
دیلین داندی، ائلین داندی،
اؤزون همده پیمبر ساندی اول آزغین!
ایراق اولسون قیزیل باشلار گؤزوندن
سیل اوزوندن لکّهنی تبریز!
سن آذربایجانسان، بیر مقدس مقبرهن واردیر
مقدس شهریمیزده، اردبیلده
بابام سلطان صفی الدین یاتیبدیر
گؤزلهییر اوغلو قیام ائتسین....
اردبیل – 1349
بيز احسان شكرخدا و ائلدار صديق ايكيميز بيرليكده «حسين دوزگون»ون شعرلري و ادبياتي يازيلاري و اونون باره سينده اولان شعرلري و ادبي يازيلاري بو وبلاقدا سيزه سوناجاغيق. اوميد ائديريك لذت آپاراسيز.