نه‌دن سن بو قده‌ر توتقونسان کؤنول،

کیمسه آچا بیلمیر سنین عینی‌نی.

اگر سئوگیلی یار وفا قیلمادی،

سن ده آیری دولان، آت بو سئوگینی.

عشقی ساتدین پولا، اوتانان سن‌سن،

اؤزونه گله‌جک سنی کوسدورن.

انتباه گونونده، سن اولمایاندا،

گؤره‌جک نه دُرّی وئریبدیر الدن.

بوگون اردبیل‌ـی، دونن مشکین‌ـی،

بیر- بیر الدن وئردین یازیقلار اولسون!

چکینمه، ارینمه، آغلا، قوی گلسین،

قوی یانسین اوره‌گین، گؤزلرین دولسون.

باغیردین، چاغیردین، سایمادی سنی،

نه‌دن سن اؤزگییه ساری یؤنَلدین؟

آجیغین اوتسایدین، اودا یانسایدین،

قالمازدین امّت‌سیز، اولمازدین بی‌دین.

اردبیل- نوروز 78