قالاقاباغ‌ـیندا بایرام ائتدیلر،

شاه باغی یا ساری هامی یورودو.

قالانی ییخماغا امر گلمیشدی،

اطرافی توپ توفنگ اهلی بورودو.

بوگون توپلانتی وار، ییغینجاق واردیر،

بیر یانی بایرامدیر، یاسدیر بیریانی.

بیر گون بوردا ائللر قالا تیکدیلر،

بوگون قویماییرلار قالسین نشانی!

بیر پاییز گلدیلر ییغوا قوردولار،

بیر پاییز داغیلیب هامی قاچدیلار.

بیرینه ائل قالخیب بایرام ائیله‌ییر.

باشقاسینا توپچو «بولدوروم» دئییر.

اردبیل- ۱۳۴۹