قارا مجموعه - حسین دوزگون
نگاریم! هیکلین جاندان یارانمیش،
سنین جسمینده شوخ جانان یارانمیش.
وجودون صفحه- صفحه آیت حق،
الاهی وحیدن انسان یارانمیش.
بویا هئچ یوخدور اول نازک بدنده،
قارادان آغ، قارا آغدان یارانمیش.
" قارا مجموعه"سی شیخ الشّیوخون،
قیلاووز کیمی قرآندان یارانمیش
اونو دوزگون اؤزونه رهبر ائتمیش،
دیلیندن دُرّ، هم مرجان یارانمیش.
تهران- 1380
+ نوشته شده در شنبه بیست و یکم مرداد ۱۳۹۱ ساعت توسط سید احسان و ائلدار
|
بيز احسان شكرخدا و ائلدار صديق ايكيميز بيرليكده «حسين دوزگون»ون شعرلري و ادبياتي يازيلاري و اونون باره سينده اولان شعرلري و ادبي يازيلاري بو وبلاقدا سيزه سوناجاغيق. اوميد ائديريك لذت آپاراسيز.