گور نفسیم - حسین دوزگون
تاکی بو جسم و تنیمده نفسیم وار منیم،
او قاشین طاقینا دلبر هوسیم وار منیم.
تورکم آت اویناداراق فضل و صفا پایلامیشام،
یارکنددن وین ـه ساری سسیم وار منیم.
اؤتوکنده یئنی سئی،[8] ملک عجمده اترک،
ملک آذرده کوروم وار، ارس ـیم وار منیم.
صفحهی شعریمه باخدیقجا، رقیبه دئییرم،
بیر مسیحا دمی تک همنفسیم وار منیم.
باخما غربتده سالیب بیکس و یار ائتدی زمان،
آغیر ائللر سایاغی یار و کسیم وار منیم.
تورکتازی ائلهسم مُلک سخن ده، یاراشیر،
چونکه ساهر[9] کیمی فریادرسیم وار منیم.
تاکی گون سایه سالیر، توپراغا دوزگون یاشارام،
اردبیلدن آلینان گور نفسیم وار منیم.
+ نوشته شده در شنبه بیست و یکم مرداد ۱۳۹۱ ساعت توسط سید احسان و ائلدار
|
بيز احسان شكرخدا و ائلدار صديق ايكيميز بيرليكده «حسين دوزگون»ون شعرلري و ادبياتي يازيلاري و اونون باره سينده اولان شعرلري و ادبي يازيلاري بو وبلاقدا سيزه سوناجاغيق. اوميد ائديريك لذت آپاراسيز.