بهار دير، سئيره چيخ، گۆلزاره گل، ياتما قارا يئرده،

بو داغلاردا ساليبلار شاققاشاق سئللر، حبيب ساهير،

عاشيق باغرينا باسميش سازيني سندن اوخور بير شعر،

يانيقلي قلبي اۆزره سيزلايير تئللر، حبيب ساهير.

نه قدري ظاليمين تانكي تۆفنگي برقرار اولسا،

سن اؤيره‌تدين بيزه كيم سوسماسين ديللر، حبيب ساهير.

زمانين چرخي دؤنسۆن‌‌‌، روزگارين دؤري چئوريلسين،

سني يالقوز و تنها قويدو بو ايللر، حبيب ساهير.

اؤپۆر دۆزگۆناليندن، يوخدو كفران نعمته بيزده،

سني ياد ائيله‌يير هر دم بيزيم ائللر، حبيب ساهير.

يورد غزللري/ ص 15.