گؤزو یاشلی لوحه
آنا!
گئیدین کفن اوغلونلا بیرلیکده،
گئدیب سنگرده یاتدین قیش گونونده شانلی تبریزده.
دئدین:
«- گئتسین بوتون شاهلار،
عدالت بایراغی گؤیلرده یوکسلسین.
امام گلسین!
امام گلسین!»
دوشنده یئرلره شمشاد قدّدی اوغلوون، بیردن
دئدین:
«- جلاّد وور منده اؤلوم گؤرسون وطن!»
ووردو، سنی جلاّد قارشیندان.
ییخیلدین اوغلوون یانیندا جان وئردین.
او دمده اردبیلده
آداش اوغلونلا بیر عسکر
ووروب سالدی یئره فرماندهی،
جلّادی بیر آندا
اؤزونده سونرا اؤلدوردو.
سنی اؤیدو
سنه فخر ائیلهدی
«شهر مقدس»ده یاتان عسکر.
منیم گؤز یاشلاریم دورمور
آنا!
ای «بورلا خاتون» یادگاری!
ای «هجر» نسلی!
یئنه قارشیندا
بیر اوغلون
دوروب، اما اوتانیر چوخ
هانی شاعیر
هانی رسّام
هانی خوانندهلر گلسین
سنین شأنینده قالخیب گؤز یاشیله لوحهلر وئرسین؟
اردبیل لوحهلری - 1357 - ص 24 .
دکتر حسین محمدزاده صدیقین (دوزگون) - ایکینجی شعر وبلاگینه باخین
بيز احسان شكرخدا و ائلدار صديق ايكيميز بيرليكده «حسين دوزگون»ون شعرلري و ادبياتي يازيلاري و اونون باره سينده اولان شعرلري و ادبي يازيلاري بو وبلاقدا سيزه سوناجاغيق. اوميد ائديريك لذت آپاراسيز.