ترانهلر - حسین دوزگونون شعرلری
گل عاشق سؤزه،
گول چیخیب دوزه.
قاللام آخردا،
حسرت او گؤزه.
ساللانیب سالخیم،
بولانار آرخیم.
چئوریلهجکدیر،
آخردا چارخیم.
مندن یان اولار،
او سئودیگیم یار.
بیلیرهم آخر،
گونوم قارالار.
دویغو قالاجاق،
کؤنلوم اویاجاق،
منی وطندن،
سورگون سالاجاق.
وئرمه دای اؤپوش،
یانیمدان سوروش.
بیردن آشکارلار،
بو خلوت گؤروش.
کوچه سولانار،
سولار بولانار.
غم چکمه کؤنول،
زامان دولانار.
دولاننام باغی،
هر آخشام چاغی.
نئچون توخداماز،
اورهگیم داغی؟
بوز یئل اسیبدیر،
یولو کسیبدیر.
یان یورهمیزی،
ظولمت باسیبدیر.
سنده سولارسان،
یالقیز قالارسان.
آمان دانیشما،
کافر اولارسان.
ظولمتده سوللام.
اومیدله قاللام.
دونیادا منده،
اولار کام آللام.
کیچیک شعرلر - 14 / 2 / 42 خنیه - ص 103 .
دکتر حسین محمدزاده صدیقین (دوزگون) - ایکینجی شعر وبلاگینه باخین
+ نوشته شده در جمعه هفدهم شهریور ۱۳۹۱ ساعت توسط سید احسان و ائلدار
|
بيز احسان شكرخدا و ائلدار صديق ايكيميز بيرليكده «حسين دوزگون»ون شعرلري و ادبياتي يازيلاري و اونون باره سينده اولان شعرلري و ادبي يازيلاري بو وبلاقدا سيزه سوناجاغيق. اوميد ائديريك لذت آپاراسيز.