ائل نيسگيلي- حسین دوزگونون شعرلری

Qızım! bu dünyadır keçib gedəcək,

Yaxşılıq yamanlıq bütün ötəcək.

Ürəksiz yaşayan ümidsiz olar,

Ümiddə həyatın gülü bitəcək.

Qızım! Səhər oldu, pəncərəni aç,

Sıcaq gülüşləri həyatıma saç.

Kəpənəklər qonub güllər üstünə,

Kəpənək ardınca bu bağlarda qaç.

Qızım! bax, dupduru axmaca axır,

Babavın gözüdür gözünə baxır.

Qəzəbi, ümidi, eşqi, sevgisi,

İllərdir Savalan üstündən şaxır.

Ərdəbil Lövhələri – s.1 – 1378