ائل نيسگيلي- حسین دوزگونون شعرلری

Həmədan danişgahında «Türk mədəniyyəti»

Movzuunda danışdığım munasibəti ilə.

Buəli mədfəninin nəzdində,

Həmədan şəhrinə bağlı «Biliyurd»!

Gəlmişəm, dinlə mənim sözlərimi:

«Səndə dörd yüz cəvanım dərs oxuyur,

Tikmişəm onlara mən gözlərimi!

Qoyma Təbriz silinə beynindən,

Qoyma köksüz yaşasın övladım.

Birdə çeynətsən əgər tariximi,

Qalxacaq etirazım fəryadım,

Sinən üstə qoyaram dizlərimi!

Elm ocaqlarını təsxir etdim,

Mən, şərəf qaynağı, adım Təbriz,

Mədəniyyət yaradıb ad etdim,

Səndə tarix boyu çox  saldım iz!

Burda axtarmalıyam izlərimi!

Təbrizəm, doğduğum hər bir fərdim,

Yeni hakim yaranır hökm eləyir,

Gördüyün dinlədiyin Düzgünə bax,

Elmi ötgün, sözü kəsgin danışır,

Tikmişəm mən ona öz gözlərimi.»