ائل نيسگيلي- حسین دوزگونون شعرلری

Təbrizim! qeyrətinmi cuşa gəlir?

Qarabağda kəsildi əmcəklər!

«Mığrı»da portaqal satan nakəs,

Sənəmi bağlayır özün? bilməm!

Son sözün deynə, susma, bəsdir, bəs!

Mən ki insanlığa vurulmuş uşaq.

Erməni, Rus, Fars bilməz idim.

Demə uydurma bir fəsanə imiş!

Belə bir gerçəyi bu aldanışı,

Mənə dövran açıb, zəmanə demiş.

Bu həqiqətləri kitab yazmaz,

Yaşayış göstərər həyat danışar.

Dinə namusa küsməsə insan,

Hər yetən fikrə-zikrə aldanmaz,

Canını yurduna edər qurban.